પ્રેમની પળનો વિલય હોતો નથી,
માત્ર આપણને સમય હોતો નથી.
માત્ર આપણને સમય હોતો નથી.
તું કહે જ્યારે કે હું હારી ગઈ,
એ પળે મારો વિજય હોતો નથી.
એ પળે મારો વિજય હોતો નથી.
બેફિકર છું જિંદગીથી એટલે,
પાનને ડાળીનો ભય હોતો નથી.
પાનને ડાળીનો ભય હોતો નથી.
હું હૃદય ખોલીને બોલું તો કહે,
તારી વાતોમાં વિનય હોતો નથી.
તારી વાતોમાં વિનય હોતો નથી.
જ્યાં હવા નિર્વસ્ત્ર થઈ ન્હાવા પડે,
વ્હેતા જળમાં ત્યારે લય હોતો નથી.
વ્હેતા જળમાં ત્યારે લય હોતો નથી.
પર્ણ લીલુંછમ ગુમાવે ડાળ તો,
વૃક્ષમાં શું એ પ્રલય હોતો નથી?
વૃક્ષમાં શું એ પ્રલય હોતો નથી?
બોલ તું સંવાદની છોડી ફિકર,
વ્હાલ કહેવામાં વિષય હોતો નથી.
વ્હાલ કહેવામાં વિષય હોતો નથી.
No comments:
Post a Comment