ઘણું મંથન કરવું છે, મનન છોડવું નથી,
વિષ મળે યા અમૃત, મુખ મોડવું નથી.
વિષ મળે યા અમૃત, મુખ મોડવું નથી.
જીવન છે કુરુક્ષેત્ર,આપણે જ કૌરવ-પાંડવ,
અધર્મથી લડીશું, હવે કુરુક્ષેત્ર છોડવું નથી.
અધર્મથી લડીશું, હવે કુરુક્ષેત્ર છોડવું નથી.
એની નિયતી મુજબ એ ખુદ ખરી જશે
હાથે કરી મારે એકે ફૂલ તોડવું નથી.
હાથે કરી મારે એકે ફૂલ તોડવું નથી.
સપનામાં બીજ હોય છે હકીકતનું ઘણીવાર,
એકેય નાજુક સ્વપ્ન હવે રોળવું નથી.
એકેય નાજુક સ્વપ્ન હવે રોળવું નથી.
મન છે દર્પણ સમ , ઠેસ લાગતાં જ તુટે,
સંજોગોના પથ્થરથી એ દર્પણ ફોડવું નથી.
સંજોગોના પથ્થરથી એ દર્પણ ફોડવું નથી.
પડઘાય છે શહેરમાં કઇં કેટલા અવાજો,
કર મૌનથી સંવાદ! કઇં બોલવું નથી.
કર મૌનથી સંવાદ! કઇં બોલવું નથી.
No comments:
Post a Comment