બકવાસ!!!

ઉપર નીલું આકાશ છે;
નીચે લીલું ઘાસ છે,
બાકી બધું બકવાસ છે!
તો ય એની પ્યાસ છે.

એને કહેવું કેવી રીતે? 
...મારા માટે એ ખાસ છે. 

રોજ રોજ ભણતો રહું;
એના પ્રેમના તાસ છે. 

એમ કોઈ કારણ નથી;
દિલ અમસ્તુ ઉદાસ છે.

હર તરફ એને નિહાળું;
જાણુ હું એ આભાસ છે. 

 કહો ક્યાં ઊતારું એ હું?
ખભે અરમાનની લાશ છે.

ફૂલોને ચૂંથીને ન જુઓ;
સંતાડી ક્યાં સુવાસ છે?

લઉં એવી રીતે હરદમ;
જાણે ઉછીનાં શ્વાસ છે.

પ્રભુ નથી કોઈ મંદિરમાં;
જુઓ એ તો ચોપાસ છે. 

જિંદગી શું છે સમીર?
એક અનંત પ્રવાસ છે