પ્રભુ થોડો પક્ષપાત કર

મારી સાથે તું વાત કર

એમ તો તું સર્વદૃષ્ટા છે

...મારા પર દૃષ્ટિપાત કર

આવું હું તારા દર્શને રોજ

કદીક રૂબરૂ મુલાકાત કર

મારા વિના નથી ચાલતુ

એ પણ તું કબુલાત કર

મારે જે કંઈ જાણવું છે

એ સર્વ મને તું જ્ઞાત કર

મારા દુઃખોને તું સંભાળ

બને તો તું એ મહાત કર

મને જોઈએ આશીર્વચન

મુજ પર એની બિછાત કર

 પડતાની સાથે આવે ઊંઘ

એવી મારી તું રાત કર

ન માંગે "સમીર" કંઈ વધુ

બસ, થોડી તું નિરાંત કર !!!