કોઈક તો મજબૂરી હોય છે..

વર્ષો વીતી ગયાં હો ભલે ઈન્તેઝારમાં,
આવ્યાં તમે તો લાગ્યું : ઘડી બે ઘડી ગઈ.

વિચારી વિચારી વહેવાર થાય છે;
વગર વિચાર્યે અહિં પ્યાર થાય છે. 

આંખોથી આપ-લે થાય સંદેશાની;
...મૌન મૌન દિલનો કરાર થાય છે. 

ચાહતમાં ન મળે રાહત કોઈને;
રાહત માટે ખોટી તકરાર થાય છે. 

દિલમાં પુરી દઈએ જેને ક્યારેક;
આંખો સામેથી એ ફરાર થાય છે. 

આપી દિલની દુહાઈ વારંવાર;
અહિં દેહના સોદા ધરાર થાય છે.

 મંદિરે જતા અડધે રસ્તે વળ્યો છું;
ત્યાં પ્રભુના નામે વ્યાપાર થાય છે.

કોઈક તો મજબૂરી હોય છે અહિં;
કારણ વિના કોણ ગુનેગાર થાય છે?

મળી ન  કોઈ એવી જગા;
લાગણીની જ્યાં દરકાર થાય છે.